SHBA: Evropa të përqendrohet tek rritja
25/06/2010 09:45
Katari bën thirrje për “veprim urgjent ndërkombëtar” për të parandaluar sulmin izraelit në Rafah 08/05 22:45
Europa duhet të përqendrohet tek rritja ekonomike dhe tek shkurtimi i shpenzimeve për të reduktuar sa më shumë deficitin kombëtar.
Kështu ka deklaruar sekretari amerikan për Thesarin Timothy Geithner, i cili në një intervistë për BBC është shprehur se liderët botërorë duhet t’i kushtojnë vëmendje sfidave të vështira që kanë të bëjnë me ekonominë.
Duke folur para zhvillimit të samiteve të G8 dhe G20 që mbahen këtë fundjavë në Toronto, Geithner tha gjithashtu se bota nuk mund të mbështetet më tek SHBA si më parë.
Vendet e dy grupimeve, që janë më të pasurat dhe më të industrializuara të botës, po mblidhen që sot për bisedimet treditore, që do të kenë në qendër krizën më të keqe financiare që nga koha e Depresionit të Madh.
Por agjencia e lajmeve “Reuters” ka raportuar se liderët botërorë në këto takime do të pranojnë se financat e dobëta publike mund të dëmtojnë rritjen afatgjatë të ekonomisë.
Top Channel
