Policia belge ka kryer një operacion blic në zyrën qëndrore të Kishës Katolike Belge, në kuadër të një hetimi mbi abuzimet me të miturit.
Një zëdhënës i prokurorisë së Brukselit ka konfirmuar se ndërtesa ku ndodhet zyra e arqipeshkvit të kryeqytetit belg është izoluar tërësisht.
Policia ka kontrolluar gjithashtu shtëpinë e arqipeshkvit në pension Godfried Danneels.
Belgjika është një nga vendet ku zërat për abuzim të punonjësve të kishës me fëmijet kanë tronditur selinë e shenjtë të Vatikanit.
Hetimi mbi abuzimet seksuale me të mitur në radhët e Kishës Katolike të Belgjikës kishte filluar prej disa vitesh.
Top Channel
