Gjyshja metalare, ne backstage me Metallica

03/09/2009 18:25

85 vjecarja Margaret Priebe u shnderrua ne nje sensacion interneti dy dite me pare, kur nje artikull i botuar ne St. Petersburg Times (gazete e Tampa Bay, Florida), tregonte dashurine e saj te pazakonte per grupin Metallica.

Lajmi qe nje prej grupeve themelues te muzikes heavy metal kishte nje admiruese te lindur 60 vjet perpara krijimit te tij, beri buje ne te gjitha rrjetet sociale ne internet.

Gjyshja metalare tregoi se i kishte zbuluar ‘heronjte’ e saj 9 vjet me pare, kur kishte ndezur radion dhe kishte degjuar kenge nga albumi i tyre S&M (Symphony & Metallica, i realizuar live me orkestren simfonike te San Franciskos). Ajo s’kishte degjuar kurre dicka te tille me pare, por ra menjehere ne dashuri me te.

Margaret sapo i ka mbijetuar nje beteje me kancerin, dhe tregon se miku i saj me i mire gjate diteve te veshtira ka qene nje mp3 player i mbushur me kenge te Metallica, Judas Priest e Ozzy Osbourne.

Por pjesa me e bukur e historise, nuk ka ardhur akoma.

Nje perfaqesues i Warner Bros, kompania qe manaxhon grupin kalifornian, ka bere te ditur se artikulli i ra ne dore anetareve te grupit dhe ata e kane ftuar 85 vjecaren ne koncertin e sotem ne Tampa dhe do te takohen me te ne prapaskene perpara koncertit.

E pyetur gjate intervistes nese do te donte te takonte anetaret e Metallica, Margaret eshte pergjigjur “Oh, sigurisht, por nuk do te do te dija c’t’u thoja – do kisha shume emocione”.

Me siguri s’do te jete e emocionuara e vetme. Edhe Metallica-t nuk jane mesuar te takojne fanse 85 vjecare…

FOTO GALERI

1/1