Depozitat nuk u rriten, mungojne remitancat
02/09/2009 08:55
Politika shqiptare uron besimtarët myslimanë për Kurban Bajramin 06/06 08:55
Sasia e depozitave ne sistemin bankar shqiptar gjate muajit korrik mbeti e pandryshuar ne 611.8 miliarde leke (rreth 4.67 miliarde euro) ne krahasim me muajin qershor, nderkohe qe ne krahasim me nje vit me pare kane rene me 3.85 per qind.
Mosrritja e depozitave ne korrik shikohet nga bankieret si nje tregues i prurjeve te dobeta nga emigrantet dhe turizmi, ose me sakte, mungeses se remitancave dhe te ardhurave nga turizmi.
Vera eshte zakonisht nje muaj i begate ne te gjitha drejtimet ne ekonomine shqiptare, per shkak te kombinimit te prodhimit bujqesor vendas me prurjet ne valute nga emigrantet dhe turistet.
Zyrtarisht, ne Shqiperi ne korrik hyjne 400 mije turiste te huaj, sipas te dhenave te qeverise, shifer kjo dy here me e larte se ne korrik 2008, por kjo rritje marramendese statistikore e turisteve te huaj nuk u pasqyrua fare ne sasine e depozitave.
Perkundrazi, depozitat ne valute u ulen me rreth 18 milione euro dhe renia e tyre u kompensua nga rritja e depozitave ne leke.
Ne korrik te vitit 2008, depozitat ne sistemin bankar u rriten me rreth 80 milione euro. Eksperte te bankave te ndryshme e paten lajmeruar me heret se kete vit ne sportele nuk eshte vene re prani me e madhe e valutes se huaj, gje qe eshte e zakonshme per veren.
Per pasoje, leku pati tendence te pergjithshme nençmimi kundrejt euros pergjate te gjithe muajit gusht, gje qe nuk ka ndodhur asnjehere me pare.
Analistet e ecurise se kursit te kembimit parashikojne rritje te kerkeses per valute nga biznesi pas mbylljes se pushimeve dhe disa prej tyre mendojne se leku do te gjendet nen presion te forte gjate javeve te ardhshme.
Top Channel
