Skela, “frymëzuesi†i Kotbus
16/02/2009 10:00
Misioni i Milanit në Superkupë filloi, Allegri shkon në Riad pa Gimenez, por Leao është rikthyer. 17/12 01:22
Ervin Skela vazhdon të “frymëzojë” Energie Kotbus në garën për të mbijetuar në Bundesligë.
Mesfushori shqiptar ka qenë protagonist i një tjetër paraqitjeje të mirë, në barazimin 1-1 që skuadra e tij arriti në fushën e vështirë të Borusias së Dortmundit. Vlonjati është aktivizuar për 87 minuta, ndërkohë që ka qenë i rrezikshëm me aksionet personale, gjuajtjet drejt portës kundërshtare dhe harkimet nga goditje standarde për shokët e skuadrës.
Madje, goli i Kotbus, që solli avantazhin e përkohshëm 1-0 të miqve erdhi për meritë të 32-vjeçarit kuqezi. Kur kronometri shënonte 31 minuta lojë, Skela merr një pasim të shkurtër nga goditja e këndit dhe lëshon një predhë të pakapshme për portierin Veidenfeler.
Por, për fatin e keq të shqiptarit topi përplaset në shtyllë, ndërkohë që Kagdas i gjendur aty pranë e ka shtyrë drejt rrjetës. Gjatë këtij sezoni në elitën e futbollit gjerman, Skela ka realizuar vetëm një gol, atë të javës së 14-të, në portën e Bajernit të Mynihut, ndërkohë që numëron edhe tri rrjeta në Kupë.
Top Channel
