Queen Real Tribute interpreton në Tiranë

Sot ata jetojnë jo vetëm nëpërmjet hiteve të tyre të pakoha, por edhe të njërëzve që duan të dëgjojnë një rrymë që ka vdekur. “Rock”-u po jeton edhe nëpërmjet grupeve sozi që admirojnë muzikën e tyre.

Njëlloj si kjo bandë, “Queen Real Tribute”, që u formua në vitin 2006 në Beograd, duke luajtur këngët e “Queen”, për të ruajtur kujtimin e një ndër grupeve më të mëdha dhe të vokalistit Freddie Mercury.

Vokalisti Ivan Ristanoviç shprehet: “Ne e dhamë shfaqjen tonë dhe u përpoqëm të ishim sa më mirë. Nuk mendojmë për famë, duam të japim shfaqje të mira dhe të kemi turne sa më shpesh”.

Në lidhje me Tiranën, këngëtari tha: “Ishte një ditë e madhe feste dhe m’u duk një qytet shumë i lumtur”.

Gjatë interpretimit, Ristanoviç vesh të njëjtat kostume si Freddy Mercury: “Nuk është qëllim të jem si ai në “look”, por të jap diçka edhe nga vetja”.

Përtej muzikës, qëllimi është edhe përçimi i një mesazhi.

“Ne luajmë muzikë që njerëzit, kryesisht të rinjtë, të shohin si ishte 30-40 vjet më parë. Sepse ata e duan këtë gjë”, shpjegon bateristi Rados Capin.

Ndërsa basisti Ivan Djerfi thotë: “Mendoj që muzika e Queen do të jetë e pavdekshme. Njëlloj si Moxart, Bethoven e të tjerë autorë të muzikës klasike. Dhe në muzikën e Queen ke shumë gjëra klasike”.

Top Channel