Vedat Muriqi shpërthen plotësisht në këtë fundjavë të Super Ligës Turke. ‘Pirati’ dardan tregoi edhe njëherë se është një goleador i shkëlqyer teksa shënoi plot 4 gola në fitoren shumë të thellë të Fenerbahce ndaj Eyuspor 8-0.
Spektakli i sulmuesit të kombëtares së Kosovës nisi në minutën e 7 kur shënoi golin e tij të parë dhe të dytin për skuadrën e tij, pasi i pari shënua nga Greenëood me penallti që u fitua pikërisht nga Muriqi. Në Në minutën e 21 Muriqi shënoi një tjetër gol, i treti për Fenebahcen dhe i 2 personal për të, ndërkohë që pjesa e parë u mbyll me rezultatin 5-0 për skuadrën nga Stambolli pasi shënuan edhe Guendouzi dhe Kahveci.
Vedat Muriqi nuk e la me kaq, pasi në pjesën e dytë shënoi edhe 2 gola të tjerë respektivisht në minutën e 47 dhe të 55 që ishte goli i 6 dhe i 7 për Fenerbahçe ndërkohë që ‘Pirati’ plotësoi ‘pokerin’ e tij personal në këtë sfidë. Llogaritë e sfidës u mbyllën nga Greenwood, ai që i hapi ato me anglezin që shënoi golin e 8 të Fenerbahçes dhe të dytin personal.
Top Channel
