Serbia dhe Shqipëria janë dy shtetet për të cilat kryeministri malazez Milojko Spajiç tha një postim në rrjetin social “X” se po përgatisin sulme hibride me qëllim destabilizimin e Malit të Zi, sipas gazetës pro-qeveritare “Vijesti” nga disa burime.
Spajiç njoftoi më herët se ekzistojnë informacione serioze operacionale të sigurisë se mbyllja e paralajmëruar e kapitujve të rinj negociues në bisedimet me Brukselin do të shoqërohet me veprimtari hibride të koordinuar, në të cilën janë përfshirë zyrtarë të të paktën dy shteteve të rajonit.
“Kemi informacione serioze të sigurisë se mbyllja e paralajmëruar e kapitujve të rinj të negociatave do të shoqërohet me veprime të koordinuara hibride, në të cilat janë të përfshirë zyrtarë të të paktën dy shteteve të rajonit.
Sipas informacioneve tona, aktivitete të tilla synojnë destabilizimin e Malit të Zi, me mbështetjen e pritshme të disa aktorëve politikë dhe të një pjese të skenës mediatike në vendin tonë.
Ne jemi në dijeni të këtyre synimeve dhe jemi të vetëdijshëm për qëllimin e tyre. Përpjekjet për destabilizim nuk do ta ndryshojnë kursin tonë dhe as do ta ndalin rrugën evropiane të Malit të Zi, e cila është më e rëndësishme se interesi i momentit i cilësdo strukturë politike”, shkruajti kryeministri malazez.
Top Channel
