Kryeministri izraelit përgëzon Presidentin Donald Trump, Netanyahu: Duhet të mundim Iranin së bashku 20/01 19:46
Presidenti rus Vladimir Putin ka uruar presidentin e zgjedhur të Shteteve të Bashkuara, Donald Trump për inaugurimin e tij dhe i tha atij se Moska ishte “e hapur për dialog” me administratën e re për luftën Rusi-Ukrainë.
Trump është zotuar t’i japë fund luftës gati trevjeçare në Ukrainë.
Presidenti i ardhshëm, i cili shërbeu mandatin e tij të parë në Shtëpinë e Bardhë nga 2017 deri në 2021, ka pohuar në shumë raste se do t’i kishte dhënë fund luftës në Ukrainë “në 24 orë” nëse do të fitonte zgjedhjet presidenciale të 2020. Ai ka thënë gjithashtu në mënyrë të përsëritur se nëse rizgjidhet, ai do t’i japë fund luftës në Ukrainë me shpejtësi duke folur me Putinin.
“Gjëja kryesore është të zgjidhen shkaqet origjinale të krizave”, tha Putin në një deklaratë të transmetuar në mediat shtetërore ruse dhe raportuar në Telegram.
Putini nuk u ftua për të marrë pjesë në inaugurimin e Trump, tha Kremlini muajin e kaluar.
Duke iu drejtuar pretendimeve të Trump se ai mund të ndërmjetësojë me shpejtësi një marrëveshje paqeje midis Rusisë dhe Ukrainës, lideri rus tha se dëshiron “një paqe afatgjatë të bazuar në respektimin e interesave legjitime të të gjithë njerëzve, të gjitha kombeve që jetojnë në këtë rajon”.
Trump ka sugjeruar që Rusia dhe Ukraina duhet të bëjnë lëshime në luftë. Kievi ka hedhur poshtë çdo sugjerim për dhënien e territorit Moskës, ndërsa Putin ka kërkuar që Ukraina të heqë dorë nga aspiratat e saj për t’u bashkuar me aleancën ushtarake të NATO-s.
Top Channel
