Tërmeti me magnitudë 5.0 godet Italinë/ Tre lëkundje të tjera pasuese në Siçili, evakuohet gjykata në Trapani 23/10 13:34
Skema e ngjyrave
Madhësia e shkrimit
Të paktën një person ka humbur jetën dhe katër të tjerë kanë mbetur të plagosur, mes tyre një fëmijë 12-vjeçar, pas të shtënave me armë zjarri mëngjesin e së premtes, më 23 tetor, në dy zona të departamentit Yvelines, në periferi të Parisit.
Sipas mediave franceze, një person i armatosur hapi zjarr në disa pika publike në qytetet Trappes dhe La Verrière, duke shkaktuar panik te banorët. Të shtënat u raportuan në afërsi të një zyre postare, një pike karburanti, një kopshti, një qendre kujdesi dhe një farmacie, si dhe pranë stacionit të trenit në La Verrière.
Sipas raportimeve, autori lëvizte me një automjet tip Renault Clio, ngjyrë gri, nga brenda të cilit qëllonte në drejtim të personave që ndodheshin në zonë. Ai u arrestua pak kohë më vonë në zonën e Quanières.
Burime të cituara nga gazeta franceze Le Parisien bëjnë me dije se i dyshuari mund të ketë përdorur një armë automatike të tipit STEN, e prodhuar gjatë Luftës së Dytë Botërore.
Tirs dans les Yvelines: "Le tireur a tiré au hasard et avait envie de faire un carnage", affirme Ali Rabeh, maire de Trappes https://t.co/nLYKu58TIX
— BFM (@BFMTV) October 23, 2026
Alarmi u përhap edhe në rrjetet sociale, ku një përdorues paralajmëroi banorët për praninë e personit të armatosur dhe u bëri thirrje të qëndronin në shtëpi për të shmangur rrezikun.
Kryebashkiaku i Trappes, Ali Rabeh, reagoi pas ngjarjes, duke shprehur shqetësimin për natyrën e sulmit. “Ai qëllonte pa dallim, donte të shkaktonte një masakër. Jam shumë i shqetësuar”, deklaroi ai.
Des faits très graves viennent de se produire à Trappes, dans les Yvelines. Une personne a été tuée et quatre autres blessées.
L’individu a été interpellé et placé en garde à vue.
L’ensemble des moyens des forces de sécurité et de l’autorité judiciaire sont pleinement mobilisés. Le Parquet national antiterroriste a annoncé se placer en observation.
Les autorités compétentes communiqueront en temps voulu.
— Sébastien Lecornu (@SebLecornu) October 23, 2026
Deri më tani, motivet e autorit dhe rrethanat e plota të ngjarjes mbeten të paqarta. Sipas raportimeve të mediave franceze, autoritetet kanë mobilizuar forcat e sigurisë dhe organet e drejtësisë për hetimin e rastit, ndërsa Prokuroria Kombëtare Antiterrorizëm ka njoftuar se po e ndjek situatën.
Top Channel
