Deputetja Mimoza Kusari Lila gjatë një interviste për emisionin “Shqipëria Live” në Top Channel tha se të shtatë pikat e propozuara nga presidenti Aleksandar Vuçiç cenojnë sovranitetin e Kosovës.
Moderatorja Sidorela Gjoni: A ju habiti ndonjë nga pikat dhe cila nga ato mund ta bëjë qeverinë tuaj të ulet të dialogojë?
Deputetja Mimoza Kusari Lila: Paralajmërimet e kësaj konference kanë qenë më dramatike dhe ndoshta më të errëta me pretendimet dhe synimet e Serbisë kundrejt Kosovës, mos harrojmë është i njëjti shtet që një vit më parë kreu sulm terrorist ndaj policisë dhe territorit të Kosovës.
Të gjitha pikat e Vu֛çiç janë pika që cenojnë sovranitetin dhe integritetin e Kosovës. Në nëntor të vitit 2022 kur kishim tërheqjen e zyrtarëve serb në katër komunat në veri, ishte urdhri i Vuçiçit që bëri tërheqjen e tyre dhe tani kërkon po i njëjti në një disfatë totale që të ndodhë një realitet në veri në të cilin do të krijoheshin kushte për aneksimin e veriut apo për uljen në tavolinë për një status të ri të veriut.
Top Channel
