Hezbollahu sulmon sërish me raketa Izraelin/ Shpërthimi trondit zonën, ekipi i Top Channel në kufi 04/10 10:50
Vetëm pak orë na ndajnë nga finalja e madhe e Europianit “Gjermani 2024”, me Spanjën dhe Anglinë që do të masin forcat në Berlin për të ngritur trofeun e lavdishëm.
Gjithsesi, duket se një “siklet” jo i vogël do të jetë për yllin e Anglisë, Kyle Walker, i cili do të ketë në shkallët e stadiumit bashkëshorten e tij, por edhe të dashurën ‘e fshehtë’.
Përveç gruas së tij Annie Kilner me katër fëmijët e tyre Riaan, Roman, Reign dhe Rezon në tërheqje, në tribuna duhet të shfaqet edhe e dashura e tij Lauryn Goodman së bashku me djalin e madh nga lidhja jashtëmartesore me mbrojtësin e Cityt, i cili do të veshë dhe një fanellë që shkruan “baba” dhe do të ketë numrin 2.
Një situatë me rrezikshmëri të lartë, aq sa sigurimi i kombëtares angleze kishte udhëzime për të shmangur çdo kontakt apo problem mes femrave.
Siç thekson shtypi britanik, për më tepër, nëse Annie Kilner dhe Lauryn Goodman do të takoheshin ballë për ballë, është e lehtë të imagjinohet se situata në Olympiastadion mund të dalë jashtë kontrollit dhe të kthehet në kaos.
Hipotezë që drejtuesit e kombëtares angleze po mundohen ta shmangin në çdo mënyrë, së pari duke i ndaluar hyrjen e të dashurit të Walkerit në zonën e rezervuar për familjarët e lojtarëve. Një masë paraprake e ashpër por e nevojshme. Sipas “The Sun”, në fakt duket se Lauryn është mjaft e prirur për skena dhe Annie dëshiron të shmangë çdo kontakt me të për të mos krijuar probleme.
Top Channel
