Luis Alberto vendosi t’i jepte fund aventurës me Lazion pas tetë vitesh teksa sezonin e ardhshëm do të veshë fanellën e Al Duhail, skuadrës nga Katari. Së fundmi, spanjolli zbuloi se te Lazio po vuante shumë marrëdhënien me presidentin Claudio Lotito ndërsa shtoi se për këtë arsye nuk kishte as qetësinë e duhur për t’u stërvitur.
“Ishte momenti për t’u larguar pasi mendoj se cikli im te Lazio përfundoi. Pas largimit të trajnerit Sarri edhe marrëdhënia ime me presidentin Lotito u përkeqësua. U desh që të gjeja një rrugëdalje.
Nuk e mbylla në mënyrën më të mirë të mundshme edhe për shkak se nuk stërvitesha i qetë prej marrëdhënies me presidentin. Duhej të ndaheshim, por te Lazio kam lënë shumë miq dhe e konsideroj Italinë si shtëpinë time të dytë”, u shpreh Luis Alberto.
Top Channel
