Nga planet për fëmijë tek… Shqipja dhe Bledi flasin si burrë dhe grua! Kush thotë më shumë ‘të dua’? 25/11 11:05
Mundësi i njohur televiziv amerikan Virgil, emri i vërtetë i të cilit ishte Michael Jones, ka vdekur pas një beteje të vrazhdë shëndetësore, teksa në dy vitet e fundit kishte pësuar dy ishemi dhe ishte diagnostikuar me demencë.
Ai ishte 61 vjeç.
Sportisti i kthyer në aktor, kishte luajtur në filmin ‘Million Dollar Man’ mes disa të tjerëve në vitet 1980, ndërsa vdekja e tij u konfirmua nga Mark Charles III, i cili ishte kujdesur për të vitet e fundit
Në deklaratën e Mark konfirmohej vdekja e “të dashurit” Virgil, që kishte marrë pjesë për tetë vjet në kompeticionet e mundjes WWE.
“Virgil ndërroi jetë në spital, qetësisht mëngjesin e sotëm, kërkoj të luteni për të dhe për familjen. I paharruar qoftë kujtimi i tij”.
Virgil ishte diagnostikuar me demencë në vitin 2022 dje kishte pësuar dy ishemi jo-fatale.
Ai kishte njoftuar në rrjetet sociale për betejën shëndetësore duke konfirmuar se po “përpiqej të mbijetonte”. I ndjeri shkruante më herët: “Ka diçka që nuk shkon. Koka, krahu e zemra, nuk janë në rregull. Kur u ktheva nga Dallas shkova për vizitë te doktori dhe ata më thanë se kisha një seri problemesh”.
“Doktori identifikoi ishemitë që kisha kaluar, që unë nuk e kisha idenë, si dhe njërin krah që nuk më funksiononte. Lajmi më i keq është se vuan nga fazat e hershme të demencës, ndoshta e kam nga ato rrëzimet në spektaklet e mundjes ‘wrestling’ që të tjerët refuzonin t’i bënin”.
“Jam në ankth dhe i frikësuar, nuk e di si do t’ia bëj, unë dua të zbavitem, siç kam bërë gjithmonë”.
Fansat e sportistit i bënin homazhe Virgil, duke shprehur dhimbjen e tyre, teksa disa e quanin “një pionier që i shkoi të keqes përpara për të hapur rrugën të tjerëve”.
Top Channel
