Një 39-vjeçar nga Vlora është nën hetim në gjendje të lirë pasi tentoi të kontrabandonte lëndë piroteknike nga porti i Vlorës.
Policia Kufitare, në vijim të kontrolleve për goditjen e paligjshmërive në kufi, në hyrje të vendit, kanë kaluar në vijën e dytë për kontroll më të imtësishëm automjetin tip “Benz”, me drejtues F. S.
Gjatë kontrollit në automjetin e tij, policia gjeti dhe sekuestroi disa pako me fishekzjarrë, të padeklaruara. Në përfundim të veprimeve hetimore, u referuan materialet në Prokurori dhe nisi procedimi në gjendje të lirë, për veprën penale “Kontrabanda me mallra të ndaluara ose të kufizuara”.
Materialet procedurale i kaluan Prokurorisë, për veprime të mëtejshme.
Top Channel
