Te Barcelona janë shumë të kënaqur me rendimentin e Joao Felix dhe Joao Cancelo.
Dy lojtarët të cilët u transferuan këtë verë te blaugranasit nëpërmjet formulës së huazimit nga Atletico Madrid dhe Manchester City, janë integruar mjaft mirë në skemat e trajnerit Xavi Hernandez.
Madje, në disa ndeshje dyshja ka qenë vendimtare për të fituar dhe për të nxjerrë skuadrën nga vështirësitë. Ndaj, presidenti Joan Laporta, shprehet se nëse Felix dhe Cancelo vijojnë të luajnë në këtë nivel, atëherë klubi do të bëjë një sforco për t’i pasur edhe në sezonet pasardhëse.
“Nëse Cancelo dhe Felix vijojnë të luajnë në këtë nivel, atëherë do të bëjmë një sforco për të mbajtur edhe në sezonin e ardhshëm. Deco do ta menaxhojë këtë situatë, dua që lojtarët e këtij niveli të qëndrojnë në skuadër. Joao Felix më ka pëlqyer prej kohësh”, u shpreh Laporta.
Top Channel
