Arda Kurtulan po vazhdon të jetë një nga emrat më të spikatur të Goztepes në kampionatin turk. Paraqitjet e tij kanë bërë që tifozët vendas të kërkojnë vazhdimisht që anësori të marrë një ftesë nga Kombëtarja e Turqisë.
Megjithatë, deri në këtë moment, Kurtulan nuk është përfshirë në listën e trajnerit të përfaqësueses turke, ndërsa situata është edhe më interesante për Shqipërinë.
Futbollisti ka përfaqësuar më herët ekipet kombëtare kuqezi deri në nivelin U21, çka e bën atë një opsion potencial për Kombëtaren A. Pavarësisht kësaj, Kurtulan nuk ka marrë ende një ftesë në ekipin e parë shqiptar, ndërsa mungesa e tij në grumbullime ka qenë e vazhdueshme edhe në periudhën e trajnerit Sylvinho.
Në pritje të një mundësie me një nga dy përfaqësueset, 20-vjeçari po përgjigjet në fushën e lojës. Në ndeshjen e sotme të Goztepes ndaj Rizesporit, Kurtulan gjeti rrugën e rrjetës që në minutën e dytë.
Anësori shpërtheu në krahun e djathtë dhe finalizoi një aksion që kishte nisur pikërisht prej tij, duke i dhënë Goztepes avantazhin e hershëm.
Kliko këtu për videon
Top Channel
