Janë luajtur vetëm pesë javë nga starti i Superiores, por renditja ka nisur të marrë një tjetër pamje, me një grup prej tre skuadrash që kanë krijuar diferencë ndaj ndjekësve.
Pas rezultateve të fundit, Teuta, Dinamo dhe Egnatia kanë marrë pikë të rëndësishme dhe janë shkëputur në pjesën e sipërme të klasifikimit. Diferenca me skuadrat që ndjekin është bërë e dukshme që në këtë fazë të sezonit.
Në vendin e katërt ndodhet Laçi, por kurbinasit janë tashmë 5 pikë larg skuadrës që mban vendin e tretë, një distancë që tregon diferencën e krijuar pas vetëm pesë javësh kampionat.
Ndërkohë, situata është krejt ndryshe në fundin e tabelës.
Partizani, Skënderbeu dhe Vllaznia, tre klube me histori dhe tituj kampionë në futbollin shqiptar, gjenden në zonën e ftohtë dhe po hasin vështirësi në startin e sezonit.
Në veçanti, Partizani vjen pas dy humbjeve radhazi, ndërsa edhe Skënderbeu e Vllaznia nuk kanë mundur të gjejnë vazhdimësinë e rezultateve pozitive.
Me vetëm pesë javë të zhvilluara, sezoni është ende në fazat e para, por ndarja mes skuadrave të kreut dhe atyre që po luftojnë për të dalë nga fundi i renditjes ka nisur të bëhet gjithnjë e më e dukshme.
RENDITJA:
Top Channel
