Një 44-vjeçar ka rënë në prangat e policisë, pasi ka ushtruar dhunë ndaj nënës së tij dhe e ka kërcënuar me armë gjahu.
Policia ka organizuar punën dhe arrestuar Y. P., 44 vjeç, banues në fshatin Zhulat, Gjirokastër pas kallëzimit të 71-vjeçares.
Gjatë ndërhyrjes, policia ka sekuestruar çiften, municion luftarak, një thikë)dhe një sasi lënde e dyshuar narkotike kanabis, që i kishte autori.
‘Ndërhyrja në kohë e shërbimeve të Policisë parandalon një ngjarje të mundshme kriminale në familje. Kapet dhe vihet në pranga 44-vjeçari që ushtroi dhunë ndaj nënës së tij dhe e kanosi atë me armë gjahu. Sekuestrohen arma e gjahut çifte, municion luftarak, një armë e ftohtë (thikë) dhe një sasi lënde e dyshuar narkotike kanabis, që i posedonte 44-vjeçari. Specialistët e Seksionit për Hetimin e Krimeve të Komisariatit të Policisë Gjirokastër, menjëherë pas marrjes së kallëzimit nga një shtetase 71 vjeçe, se djali i saj e kishte dhunuar dhe e kishte kanosur me armë gjahu, kanë organizuar menjëherë punën dhe kanë arrestuar në flagrancë shtetasin Y. P., 44 vjeç, banues në fshatin Zhulat, Gjirokastër. Ky shtetas ka ushtruar dhunë fizike dhe psikologjike ndaj nënës së tij dhe e ka kanosur atë me një armë gjahu çifte që e posedonte me leje. Arma e gjahut u sekuestrua në cilësinë e provës materiale së bashku me një sasi municioni luftarak për këtë lloj arme, një sasi lënde të dyshuar narkotike kanabis dhe një armë të ftohtë thikë, që i posedonte 44-vjeçari. Materialet i kaluan Prokurorisë, për veprime të mëtejshme”, sipas policisë.
Top Channel
