“Giro d’Italia” për 3 ditë në Shqipëri, Rama ndan videon: Lajmi është raportuar në 70 vende të botës 26/12 08:12
Shqipëria U17 e nis me humbje aventurën në Elite Round, me kuqezinjtë të cilët u mposhtën 4-0 përballë Francës në “Air Albania”.
Franca, kampionët e Europës për këtë grupmoshë dominoi ndeshjen dhe po ashtu edhe rezultatin, ndërsa të besuarit e Ervin Bulkut krijuan pak.
Menadjou kaloi në avantazh francezët në minutën e 26-të, ndërsa tri minuta më pas, Issoufou dyfishoi rezultatin dhe kështu u mbyll pjesa e parë.
Në fraksionin e dytë, Franca diktoi përsëri ritmin dhe në minutën e 68-të Bouneb realizoi golin e tretë nga pika e bardhë e penalltisë, ndërsa 5 minuta fundi i kohës së rregullt, Lambourde vulosi ndeshjen në 4-0.
Skuadra e Ervin Bulkut nis kështu fushatën e kualifikueseve për Euro2023, ndërsa tashmë, Shqipëria U17 kthen fokusin nga dy ndeshjet e tjera të grupit, përballë Zvicrës dhe Letonisë.
Top Channel
