Vetëm 2 barazime e tri humbje kanë regjistruar të kuqtë në pesë ndeshjet e fundit, çka i ka turbulluar ujërat në kampin e kuq. Largimi i kapitenit Eneo Bitri, fantazistit Arinaldo Rrapaj dhe sulmuesit Xhuljano Skuka natyrisht që ka prishur disi ekuilibrat në skuadër, pasi bëhet fjalë për tre lojtarë që kanë qenë shtyllat e skuadrës në pjesën e parë të sezonit.
Partizani aktualisht gjendet në kuotën e 31 pikëve, teksa ka shënuar 24 gola e ka pësuar po 24 gola. Skuadra e kuqe do të kërkojë që të bëjë kthesën duke nisur nga ndeshja e radhës me Bylisin, ndërsa më pas do të ketë takimin me Erzenin, para se të presë në shtëpi Kukësin./Super Sport
