Presidentin e Real Madrid e lënë nervat, sulmon Shqipërinë për “Topin e Artë. Ja si e “përgënjeshtron” Besnik Dizdari 24/11 21:11
Carlo Ancelotti, trajner i Realit të Madridit, është pyetur këtë të premte, në një konferencë për shtypin, në lidhje me interesimin e klubit “Merengues” për anglezin Bellingham, pjesë së Borussias së Dortmundit.
Trajneri italian i është shmangur pyetjes, duke folur për mesfushorët e tjerë, si p.sh. lojtari i Benfikës, Enzo Fernández.
“Bellingham tregoi në Kupën e Botës se ai është një mesfushor i madh, ashtu si të tjerët. Ka shumë mesfushorë të rinj të mirë që po shfaqen: Enzo, Pedri dhe Gavi. Bellingham është një prej tyre, por unë do të flas për mesfushorët e mi, të cilët janë shumë të mirë. Tchouaméni, Camavinga, Valverde… Këtu kemi shumë të rinj”, ka deklaruar Ancelotti.
Pyetjes nëse do të ketë largime në janar nga Reali, italiani iu përgjigj:
“Nëse dikush më kërkon këshilla, do t’i jap, por ende askush nuk ka hyrë në zyrën time. Të gjithë janë të fokusuar, kemi ende shumë ndeshje përpara dhe e gjithë skuadra do të angazhohet. Askush nuk ankohet se nuk ka luajtur shumë, të gjithë janë të fokusuar”./ Super Sport
Top Channel
