Burri me inteligjencën më të lartë në botë, tregon çfarë beson se ndodh pasi vdesim (fotot)
18/12 21:55
Policia në Indi u ka vënë sot fajin minjve për shkatërrimin e rreth 200kg kanabis të sekuestruara nga trafikantët, që mbahej në stacionet e policisë.
“Minjtë janë brejtës të vegjël dhe nuk tremben nga policia, është shumë e vështirë të mbrosh drogën prej tyre”, u tha në një gjykatë të shtetit indian Uttar Pradesh, kur policisë iu kërkua të jepte provat e sekuestrimeve të drogave.
Megjithse justifikimi dukej i ekzagjeruar, gjykatësi përmendi dhe raste të tjera kur marijuana ishte shkatërruar nga brejtësit në magazinë.
Zhvillimi vjen pasi gjykatësi Sanjay Chaudhary i kërkoi policisë të tregonin drogën në formë prove, por policia tha se 195kg kanabis “ishin shkatërruar” nga minjtë.
Edhe në një tjetër rast të mëparshem në Indi, 386kg droga u raportuan të shkatërruara nga brejtësit.
Gjykatësi tha se rreth 700kg marijuane ishin sekuestruar nga stacionet e policisë në Mathura të cilat “rrezikohen nga dëmtimi prej minjve”.
Gazetarë kritikë të policisë thoin se justifikimet ishin të pabaza dhe se droga mund të jetë zhdukur si rezultat i korrupsionit mes radhëve të uniformave.
Malli i sekuestruar po ruhej për t’u nxjerrë në ankand te grupet mjekësore ose laboratorike për studime kërkimore.
Në vitin 2017, në shtetin lindor indian Bihar minjtë përsëri u fajësuan për konsumimin e qindra litrave alkool ilegal i konfiskuar, ndërsa në 2018 brejtësit kishin ngrënë më shumë se 1.2 milionë rupe ($14 000)në kartëmonedha, brenda një automati.
Top Channel
