Sport Të Fundit

Xavi: Nuk u dorëzuam kurrë, Reali nën presion pas fitores tonë

30/10/2022 09:29

Barcelona iu fal golit të Robert Lewandoëskit në minutat shtesë për të dalë me tri pikë nga përballja e vështirë me Valencian e Gattusos në “Mestalla”.

Bomberi polak gjeti golin e 13-të në La Liga, ndërkohë që Barça iu bashkua Realit në krye të renditjes.

Kampionët luajnë sot përballë Gironas, por Xavi theksoi në prononcimin pas ndeshjes se rivalët e përjetshëm do të jenë nën presion. Trajneri vlerësoi triumfin e djemve të tij, të cilin e konsideron shumë të rëndësishëm për reagimin pas dështimit në Champions dhe ecurinë e sezonit.

“Arritëm një fitore shumë të rëndësishme, skuadra nuk rreshti kurrë së besuari në të. Ankthi nuk mungoi në lojën tonë, pasi ndikoi eliminimi nga Champions League. Ajo çfarë ndodhi të mërkurën ishte e rëndë, na goditi.

Djemtë kishin ankth, pasi gabuam shumë në momentet vendimtare. Skuadra ka punuar shumë mirë dhe kjo fitore ka një rëndësi të madhe. U shpërblyem në minutat shtesë, edhe pse e meritonim golin më përpara.

Këto tri pikë na mbushim me besim, do ulemi të flemë si kryesues, një gjë e tillë shton presionin te Reali i Madridit. Na presin edhe tri ndeshje deri në ndërprerje: dy në kampionat dhe një në Champions. Duam të marrim maksimumin”, deklaroi Xavi.