Emigrantët e “Gjadrit”, Meloni takim me ministrat: Kasacioni na dha neve të drejtë!
23/12 14:22
Presidenti i Emirateve të Bashkuara, Sheikh Mohamed bin Zayed është pritur nga ministri francez i mbrojtjes Sebastien Lecornu, në vizitën e tij të parë shtetërore si president.
Mohamed bin Zayed mbërriti dje në Paris, në vizitën e tij të parë jashtë vendit, në axhendën e së cilës janë çështjet e energjisë dhe transportit.
Sot ai u takua me homolgun e tij francez Emmanuel Macron në pallatin presidencial Elysee.
Vizita e tij vjen pas turneut të presidentit amerikan Joe Biden në Lindjen e Mesme, teksa fuqitë perëndimore kërkojnë që Riadi dhe EBA të shtojnë prodhimin e naftës.
Një çështje kryesore e vizitës janë “garancitë që do të jepen nga Emiratet për sasinë e hidrokarbureve me të cilat do të furnizohet Franca”, tha një këshilltar i Macron për rrjetin AFP.
Eksportet e naftës së Emirateve drejt Francës në 2019 arritën në 1.5 miliardë euro por aktualisht vendi nuk është duke furnizuar më Parisin.
Parisi thotë se kërkon të “diversifikojë burimet e tij të furnizimit në kontekstin e luftës në Ukrainë”, shtojnë burimet e Elysee.
Gjatë vizitës së tij tre ditore pritet të nënshkruhen marrëveshje e kontrata është për transportin dhe sektorin e mbetjeve.
Marrëdhëniet mes dy vendeve janë rritur shumë vitet e fundit, raportojnë mediat franceze.
Emiratet e Bashkuara kanë degën e vetme të huaj të Muzeumit të Louvre, dhe në dhjetor nënshkruan kontratën e blerjes së 80 avionëve gjuajtës Rafale për 14-miliardë-euro.
Top Channel
