Futbollisti së fundmi është përballur me një shantazh nga ana e një personi të tretë që gjithashtu është bërë pjesë e transferimit të Doucoure te Crystal Palace dhe tashmë kërkon të përfitojë një shumë të majme si pjesë e ndërmjetësimit.
SuperSport shkruan se ky person i ka dërguar futbollistit dokumenta false të cilat pretendojnë se Doucoure është me identitet të dyfishtë dhe se të dhënat e tij janë të pasakta ndërsa në një reagim të fundit, menaxherët e malianit theksojnë se bëhet fjalë për një situatë tejet serioze teksa kanë vendosur që një çështje të tillë ta ndjekin në rrugë ligjore.
Ndërkohë, në krah të Doucore ka dalë edhe trajneri i Crystal Palace, Patrick Viera i cili thekson se lojtari ka mbështetjen e tij dhe të klubit pasi diçka e tillë është e papranueshme.
