Nga refuzimi i ftesës së Jill Biden te mungesa e saj në fushatë, pesë shenjat që tregojnë se Melania do të jetë një zonjë e parë “në hije” 15/11 14:58
Grupet e emergjencave po kërkonin sot për një helikopter të zhdukur mes rajoneve të Toskanës e Emilia Romagna me shtatë njerëz në bord.
Helikopteri i pajtuar privatisht ishte ngritur dje nga aeroporti Capannori Lucca dhe duhej të arrinte në destinacionin e tij në Treviso në verilindje të Italisë brenda një ore.
Por mjeti fatkeqësisht u zhduk nga radarët dhe zyrtarët dhanë alarmin.
Operacionet e kërkimit në zonën e Toskanës u detyruan të ndërpriteshin dje në perëndim dhe rinisën mëngjesin e sotëm, raporton e përditshmja vendase La Stampa.
Raportimet thonin se helikopteri po përdorej nga një kompani e njohur si Roto Court, që prodhon produkte higjene dhe kimikate shtëpiake.
Drejtori i kompanisë Giuliano Gelain tha për agjencinë ANSA se besonte se helikopteri nuk është përplasur, pasi nuk kanë marrë asnjë sinjal alarmi. Ai shtoi se mjeti fluturonte thuajse përditë për të dërguar e sjellë klientë të rëndësishëm.
Mjeti kishte në bord pilotin italian pilot, katër qytetarë turkë e dy libanezë.
E përditshmja vendase Reggio raportonte se mund të jetë kryer edhe një ulje emergjence në zona të largëta.
Top Channel
