Kampionia feston ditëlindjen/ Lara Colturi këtë javë do garojë në kupën e botës në Finlandë 15/11 12:29
Pas një viti, një muaji dhe një jave, Migen Memelli ka vendosur të tërhiqet nga drejtimi i skuadrës së Skëndërbeut pas një situate aspak të mirë për skuadrën korçare, e cila ndodhet në fund të klasifikimit të Abissnet Superiores me 3 fitore, 8 barazime dhe 13 humbje pas 24 javësh kampionat.
“Një vendim tërësisht i imi, vendosa të largohem sa nuk është shumë vonë, për të mos ju bërë barrë skuadrës dhe lojtarëve që të kenë mundësi të ndryshojnë fytyrë në pankinë”, thotë Migen Memelli.
Vitin e shkuar bëre një mrekulli me këtë skuadër me 9 fitore, 4 barazime dhe 9 humbje ndërkohë këtë herë duket sikur largohesh disi i dorëzuar. A ka shanse t’i shpëtojë Skëndërbeu rënies nga kategoria?
“Pas një komunikimi që pata me drejtuesit e klubit i thash që më mirë kështu që të ndryshojmë e të përmirësohen gjërat sa janë në kohë, pikë ka akoma shumë në lojë dhe shpëtimi është i mundur, shumë i vështirë, por i mundur”, përgjigjet ai.
Trajneri i ri i Skëndërbeut është Skënder Gega, a keni komunikuar me të?
“Po kam folur në telefon me Skënderin, ai është një trajner shumë i mirë, i urova suksese në këtë detyrë të re. Ndërkohë që për mua Skëndërbeu ka qenë si një universitet në rrugën time të re si trajner”.
Top Channel
