“Ka menduar t’i bëjë burrit gjëmën”/ Ngjela për vetëvrasjen e nënës me tre fëmijët: Hakmarrje ekstreme e Alma Arrazit, ka pasur… 07/05 17:31
Pa kaluar 24 orë, Partia Demokratike doli me qëndrime të ndryshme sa i takon zgjedhjeve.
Një ditë më parë ajo u shpreh e gatshme për tu ulur në dialog me socialistët për një ligj të ri zgjedhor. Ndërsa sot ajo kërkoi që për të njëjtët aktor që i akuzon si autor të masakrës zgjedhore te nisë një hetim parlamentar. Në kërkesën e depozituar në Kuvend demokratët kërkojnë të hetojnë pengimin e emigrantëve për të votuar, legalizimet, punësimet në kohë fushatë, tenderat, Prokurimet, Koncesionet si dhe sistemin e patronazhistëve.
Historia e ka treguar se në Shqipëri komisionet hetimore të ngritura kanë prodhuar shumë zhurmë për asgjë. Kërkesa e demokratëve për hetim parlamentar vjen ne një kohë kur partia më e madhe e opozitës është futur në një kurs të fortë përplasjes së brendshme për drejtimin e partisë.
A po e përdorni ngritjen e komisioneve hetimore për të sfumuar përplasjet e brendshme ?
“Kjo është një çështje që i intereson çdo shqiptari pa dallime politike”, tha Alibeaj.
Komisioni Hetimor për Zgjedhjet i përbërë nga 15 anëtarë do të drejtohet nga Enkelejd Alibeaj, ndërkohë mazhoranca pritet të caktojë anëtarët e saj.
Top Channel
