Pamje apokaliptike nga Moska/ Pas temperaturave të larta rrufetë godasin çfarë u del përpara (Pamjet)

29/06/2021 10:04

Vala e të nxehtit që ka goditur Moskën, në mënyrë të çuditshme është ndërprerë në orët e para të mëngjesit, pasi një mot me shi e furtunë shkaktoi një situatë të frikshme në kryeqytetin rus.

Gjatë fundjavës temperaturat u ngritën në 36 gradë celsius, por papritmas ndryshoi gjithçka në Rusi.

Në rrugën Pravda u shemb çatia e një shtëpie, ndërsa kamerat filmuan këtë moment.

Fillimisht qielli u errësua, më pas pasuan erërat e forta që merrnin gjithçka që u dilte përpara. Pamjet e këtyre momenteve u publikuan në rrjete sociale.

Por ajo çfarë e karakterizoi më së shumti këtë ngjarje ishte rrufeja që goditi trafostacionin në Shelkovo në lindje të Moskës duke shkaktuar një shpërthim të fuqishëm.

FOTO GALERI
1/11

Top Channel