Linja ajrore izraelite pezullon fluturimet për në Moskë, shkak bëhet… 26/12 18:55
Organizata Botërore e Shëndetësisë (OBSH) ka dhënë miratimin emergjent për vaksinën Covid të bërë nga firma kineze Sinopharm.
Kjo është vaksina e parë e zhvilluar në një vend jo-perëndimor që merr mbështetjen e OBSH-së.
Kina tashmë ka vaksinuar miliona njerëz në shtëpi dhe në 45 vende të tjera.
Deri më tani, OBSH kishte aprovuar vetëm vaksinat e bëra nga Pfizer, AstraZeneca, Johnson & Johnson dhe Moderna.
Drita jeshile nga OBSH është një udhëzues për rregullatorët kombëtar se një vaksinë është e sigurt dhe efektive.
Do të thotë gjithashtu që vaksina mund të përdoret në programin global Covax, i cili synon të sigurojë rreth dy miliardë vaksina në vendet në zhvillim.
Vendimi për të renditur vaksinat kineze për përdorim emergjent do t’i jepte një nxitje të konsiderueshme Covax, e cila aktualisht është e goditur nga mungesa e furnizimit, e shkaktuar kryesisht nga India që ndali eksportin e vaksinave.
Kujtojmë se ndërkohë Agjencia Europiane e Barnave ka nisur shqyrtimin e vaksinës kineze të koronavirusit, Sinovac, të cilën e përdor edhe Shqipëria, teksa të dhënat fillestare të studimeve laboratorike dëshmojnë sipas EMA-s, se kjo vaksinë prodhon vërtet një përgjigje imunitare.
Në Evropë, Turqia dhe Ukraina kanë nënshkruar kontrata të mëdha për Sinovac.
Vaksina gjithashtu mendohet të jetë veçanërisht e rëndësishme për vendet afrikane, ku deri më tani Zimbabve, Somali, Xhibuti, Benin dhe Tunizi kanë marrë vaksina nga Kina.
Në Azi, marrësit më të mëdhenj të vaksinës janë Indonezia, Malajzia, Filipinet, Tailanda dhe Pakistani, ndërsa në Amerikë, Brazili, Meksika, Kili, Kolumbia dhe Ekuadori kanë porositur miliona doza.
Një nga avantazhet kryesore të vaksinave kineze është se ato mund të ruhen në një frigorifer standard në 2-8 gradë Celsius, si vaksina AztraZeneca.
Top Channel
