Shkarkohet kirurgu i njohur francez që kthente hundën e pacienteve në ‘patate’ (fotot)
25/11 15:52
Mali Etna ka shpërthyer sot për herë të 13-të brenda një muaji, duke lëshuar llavë e mbetje shkëmbore në qiellin e Siçilisë.
Pas të paktën tre ditë qetësie, në pamjet e fundit nga vullkani 3000 metra i lartë shihej llava e shndritshme mëngjesin e djeshëm dhe shkëmbijtë e shkrirë që lëshoheshin në atmosferë.
Aktiviteti në kraterin lindor te vullkanit kishte nisur gradualisht që prej 14 marsit në malin e famshëm italian.
Në imazhe të mëparshme shihej që llava e lëshuar nga vullkani dhe hiri i saj qe ngrihej deri në 1500 metra në atmosferë.
Shpërthimi më i gjatë i Etnas ka qenë ai i korrikut 1614, kur aktiviteti eksploziv zgjati rreth dhjetë vjet. Gjatë kësaj kohe vullkani lëshoi më shumë se 1 miliardë metër/kub llavë që mbuloi një sipërfaqe prej 22 km katrorë.
Ndërsa një nga shpërthimet më vrasëse të Etnas ka qenë ai i vitit 1669 kur disa qyteza e fshatra u rrafshuan nga zjarri.
Top Channel
