Shtëpia e Bardhë: Biden do të marrë pjesë në inaugurimin e Presidentit të zgjedhur Donald Trump 26/11 07:14
Një grua 41-vjeçare vrau vajzën e saj, vetëm 2 vjeç, gjatë natës në Cisliano (Milano).
Ngjarja u raportua nga operatorët e numrit jeshil 118, të cilët ndërhynë në vend së bashku me karabinierët.
Pas vrasjes së vajzës së vogël, gruaja i bëri vetes dëmtime të lehta dhe u shtrua në spitalin Magenta. Në rrjetet sociale ajo tregoi për një ndarje të vështirë nga burri i saj, ku përfshihej dhuna dhe tradhtia, me ankesa dhe kundër-ankesa.
“Vajza jonë nuk është më”, kështu i tha ajo ish bashkëshortit të saj ndërsa e mori në telefon.
Kur karabinierët mbërritën, ata gjetën shtëpinë të mbyllur nga brenda, u futën përmes një dritare dhe gjetën vajzën e pajetë në shtrat, pranë nënës së saj pa ndjenja.
Sipas asaj që doli, vajza nuk kishte dëmtime të dukshme dhe vrasja është një nga hipotezat mbi të cilat karabinierët hetojnë: fëmija mund të jetë mbytur, por vetëm një autopsi mund të përjashtojë vdekjen aksidentale.
Top Channel
