Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Pas dorëheqjes së Josep Maria Bartomeu, Barcelona konfirmoi anëtarët e rinj të Komitetit Drejtues të klubit. Presidenti i ri është Carles Tusquets, i cili do ta mbajë këtë detyrë të përkohshme deri në mbajtjen e zgjedhjeve të reja, ndoshta në vitin 2021. Bordi i Drejtorëve do të themelohet në orët e ardhshme. Më poshtë, njoftimi zyrtar për shtyp i klubit katalanas.
“Pas dorëheqjes së Bordit të Drejtorëve, zyrtarizuar dje në mbrëmje, këtë mëngjes Carles Tusquets, në bazë të pozitës së tij si president i Komisionit Ekonomik, mori presidencën e Komitetit Drejtues ….
Pas takimit me Joan Manuel Trayter, personat e mëposhtëm u emëruan anëtarë të Komitetit Drejtues:
– Carles Tusquets Trias de Bes, president
– Joan Ramon Ramos y Raich, zëvendëspresident
– Joan Lluís Garcia Jobal, financier
– Josep Maria Mir Padulles, sekretar
– Miquel Lladó Casadevall, anëtar
– Josep Maria Xercavins Lluch, anëtar
– Àlex Tintoré ed Espuny, anëtar
– Sònia Cano y Fernández, anëtare
Siç është parashikuar nga statuti, Komiteti Drejtues do të ushtrojë funksionet e qeverisjes, administratës dhe përfaqësimit që i përkasin Këshillit Drejtues, por të kufizuara në aktet e nevojshme dhe thelbësore për mbarëvajtjen e aktivitetit normal të klubit dhe për mbrojtjen e interesave të tij. Funksioni kryesor i është thirrja e zgjedhjeve për krijimin e një Bordi të ri të Drejtorëve, të cilat duhet të bëhen brenda tre muajve nga emërimi i anëtarëve të tij. Komiteti Drejtues do të mblidhet nesër, në orën 11.30. Më vonë, në mesditë, presidenti Carles Tusquets do të paraqitet zyrtarisht, së bashku me të besuarin e partnerëve, Joan Manuel Trayter”, përfundon shënimin nga Barcelona.
Top Channel
