Një 39-vjeçar, i cili qarkullonte me leje drejtimi të falsifikuar është arrestuar në Kurbin.
Mësohet se në qytetin e Laçit, Policia Rrugore dhe Forca e Posaçme “Shqiponja” ndaluan mjetin tip “Benz” me drejtues shtetasin A. M.
Gjatë kontrollit të dokumentacionit nga Policia Rrugore, ky shtetas ka paraqitur një leje drejtimi të falsifikuar. Forcat e Pocaçme “Shqiponja” ka vijuar kontrollin brenda në automjet, ku kanë gjetur dhe sekuestruar një armë të ftohtë (thikë).
Në vijim të veprimeve, specialistët e Hetimit të Krimit Ekonomik e Financiar bënë arrestimin në flagrancë të shtetasit A. M., 39 vjeç, banues në Kurbin, për veprat penale “Falsifikimi i dokumenteve”, “Drejtim mjeti në mënyrë të parregullt” dhe “Prodhimi, mbajtja, blerja apo shitja pa leje e armëve të ftohta ”
Materialet hetimore i kaluan Prokurorisë së Rrethit Gjyqësor Kurbin, për veprime të mëtejshme.
Top Channel
