Mediat kanadeze padisin inteligjencën artificiale OpenAI për shkelje të të drejtës së autorit (fotot)
29/11 21:55
Një grua që ishte aq “e tmerruar” nga koronavirusi sa nuk kishte dalë nga shtëpia për 3 javë, rezultoi gjithsesi pozitive në testin për sëmundjen vrasëse.
Rachel Brummert nga Karolina e Veriut në SHBA, vuan nga sëmundje të sistemit imunitar që e bënin më të rrezikuar nga Covid-19. Prandaj ajo ndoqi këshillën e ekspertëve për vetë-izolim rigoroz në shtëpi, madje duke larguar dhe bashkëshortin në një tjetër dhomë të shtëpisë.
Por megjithë përpjekjet e saj Brummert rezultoi pozitive për Covid-19 dhe beson se e ka marrë nga gruaja që i sillte pazarin e ushqimeve te dera.
“Unë nuk kam pasur asnjë kontakt, as nuk e kam prekur atë,” tha zonja Brummert në një intervistë me mediat lokale.
“Jam e tmerruar. Nuk kam qenë ndonjëherë kaq sëmurë në jetën time dhe kaq e frikësuar”.
Ndoshta gabimi i saj ishte se nuk mbante doreza kur merrte ushqimet e sjella te dera e saj.
Karolina e veriut ka deri tani 4,582 raste të koronavirusit dhe 90 vdekje.
SHBA është vendi më i goditur nga sëmundja me 560,000 raste dhe 22,115 vdekje.
Zonja Brummert pësoi kollë, ethe, humbje të nuhatjes, dhimbje trupore, lodhje e probleme frymëmarrjeje, por eshte tashmë në gjendje të qëndrueshme.
Top Channel
