Të zgjedhësh pacientët! Në Londër respirator vetëm për ata që mund të mbijetojnë
30/03/2020 11:53
Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Në Mbretërinë e Bashkuar respiratorët nuk mjaftojnë për të gjithë, e në Londër, trajtim intensiv po i jepet vetëm pacientëve që kanë shanse mbijetese.
Numri i vdekjeve nga koronavirusi në vend u rrit me 209 vetë në 24 orë, duke e çuar bilancin total në 1.228. Rastet e prekura janë mbi 19.500. Makineritë e përdorura për t`i ofruar pacientëve frymëmarrje artificiale janë duke u kufizuar në baza mjekësore, jo për shkak të mungesës së kapacitetit, thanë për mediat britanike burime nga NHS, sistemi vendas i shëndetësisë.
“Sa më shumë mësojmë për sëmundjen, aq më të kujdesshëm jemi me trajtimin intensive. Me këtë sëmundje, intubimi mund të kërkojë javë, dhe me një përdorim kaq të gjatë, duhet të kesh bindjen që personi do të bëhet më mirë. Shtyrja e vdekjes së tyre me dy apo tre javë nuk është mirë as për ata vetë, dhe as për shoqërinë”, citohet të kenë thënë të njëjtat burime.
Ata theksuan megjithatë se kjo po nuk po bëhet për çështje kapaciteti, pasi kanë respiratorë mjaftueshëm e shpejt, mund të shtohen dhe të tjera. Vdekjet kanë qenë nga moshat 39 deri në 105 vjeç. Të gjithë ata me përjashtim të katër personave, kishin probleme të tjera shëndetësore.
Top Channel
