Mbi 4 mijë vdekje janë shënuar në Spanjë si pasojë e përhapjes së koronavirusit të ri.
Të dhënat e fundit nga Spanja tregojnë se vetëm gjatë 24 orëve të fundit janë regjistruar 655 vdekje.
Ky numër ishte pak më i ulët se një ditë më herët.
Rastet e përgjithshme të të infektuarve kanë arritur shifrën 56.198.
Madridi mbetet zona më e prekur, me gati një të tretën e rasteve. Por, Katalonja gjithashtu ka shënuar një rritje, duke raportuar 11.592 infeksione të konfirmuara.
Më 25 mars, Spanja zgjati gjendjen e saj të jashtëzakonshme kombëtare deri më 12 prill në përpjekje për të ndaluar përhapjen e virusit.
Top Channel
