Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
Një tërmet me madhësi 6.5 goditi Puerto Riko në orët e para të së martës.
Tërmeti goditi në afërsi të qytetit Tallaboa në bregdetin jugor të ishullit, me orën lokale 03:24 a.m. EST në një thellësi prej 10 kilometrash.
Forca e tërmetit fillimisht u raportua si 6.6, por u rishikua poshtë. Autoriteti i Energjisë Elektrike raportoi një ndërprerje të energjisë në tërë ishullin, duke thënë në Twitter se termocentralet kishin aktivizuar mekanizmat e tyre të mbrojtjes dhe kishin dalë jashtë shërbimit. Autoritetet thanë që ata po vlerësojnë infrastrukturën e energjisë dhe i nxitën banorët të qëndrojnë të qetë. Albert Rodríguez, i cili është nga qyteti jugperëndimor i Guánica tha për Associated Press se ka një dëm të gjerë në lagjen e tij. “Rruga është plasaritur në mes dhe është ngritur,” tha ai. Aktualisht nuk ka asnjë paralajmërim për tsunami , sipas Qendrës Kombëtare të Paralajmërimit të Tsunamit. Tërmeti vjen një ditë pasi një tërmet 5.8 goditi rajonin jugor të territorit amerikan, i cili ka parë një varg tërmetesh ditët e fundit.
Top Channel
