Pas takimit me Macronin, Mickoski shprehet optimist për integrimin evropian 08/11 22:26
Dhjetëra e mijëra pjesëtarë të lëvizjes rinore të Italisë, Lëvizja e Sardeleve, janë mbledhur në Romë të shtunën në përpjekje për të ndërgjegjësuar klasën politike të vendit dhe për të luftuar ksenofobinë.
Sardelet, janë bërë një simbol i protestës kundër liderit të së djathtës ekstreme, Mateo Salvini, që ishte ministër i brendshëm dhe zëvendëskryeministër në qeverinë e mëparshme italiane që ndërmori një raprezalje ndaj emigracionit.
Lëvizja ka vetëm një muaj jetë dhe nisi në Bolonja kur një tubim i organizuar nga katër aktivistë të panjohur për të denoncuar fjalimet që nxisnin urrejtjen dhe ndasinë të Salvinit mundën të mblidhnin një turmë prej 15 mijë vetësh, duke habitur shumëkënd. Që atëherë, lëvizja ka mbajtur tubime masive duke kënduar hitin anti fashist Bella Ciao e duke tërhequr me dhjetëra e mijëra njerëz në Milano, Firence, Napoli dhe Palermo.
“Protesta e parë ishte kundër Salvinit ndërsa tani ato janë bërë një riafirmim i demokracisë; ne jemi anti fashistë, mbështesim barazinë, kundërshtojmë intolerancën dhe homofobinë – thotë Mattia Santori një nga themeluesit e lëvizjes. Pas Romës, ‘sardelet’, kanë në shënjestër qytezat e vogla që janë edhe territore të brishta dhe të ndjeshme ndaj ideve minimaliste dhe populiste. Dhe në fakt, lëvizja e sardeleve, ishte një përgjigje ndaj fuqisë në rritje në veri të vendit të koalicionit të së djathtës ekstreme të udhëhequr nga lega e veriut e Salvinit.
Top Channel
