Protesta e 26 nëntorit, Berisha: Ky është një hap i vonuar, mos guxoni të prekni protestuesit e zemëruar 23/11 18:59
Ora 24:00 e të hënës ishte afati i fundit i regjistrimit të kandidatëve për kryetar bashkish dhe antarëve të këshillave bashkiak për zgjedhjet e 30 Qershorit. PD dhe LSI, nuk kanw dërguar asnjë emër në KQZ duke përligjur premtimin për mos marrje pjesë në zgjedhje.
Nuk ka asnjë surprizë nga lista e dorëzuar prej subjektit politik, Partia Socialiste. Por risia qëndron tek numri kandidatëve për anëtarë të këshillit bashkiak, Tiranë, i cili ka 61 anëtarë, por në KQZ është depozituar një listë me 88 emra. Në këtë listë ku janë përfshirë shumica e Zv. Ministrave të qeverisë Rama, ndërsa të përzgjedhurit e PS janë edhe disa emra të njohur duke nisur nga mjeku Orion Glozheni, akademiku Adrian Civici si dhe ish futbollisti Redi Jupi dhe aktori i portokalli-së Gazmend Paja.
Bindja demokratike futet në garën e 30 qershorit në 25 bashki. Bindja ka zgjedhur si sfidant të Erjon Veliajt në Tiranë violinistin Arben Skënderi, ndërsa në Durrës kandidon pedagogen Valbona Sokollari dhe në Korçë ish kryetarin e këshilltarëve bashkiake të PD-së në Tiranë, Leonard Olli. Në Dibër bindja demokratike ka zgjedhur si kandidat Shkëlzen Qokën, ish drejtues i degës së PD në këtë qytet. Sfidën e fortë të Lezhës, bindja ia ka besuar një emri të njohur si Salvador Kacaj, ish kreu komunës Shëngjinit, votuar nën siglën e PD dhe PDK.
Në garën e 30 Qershorit futen në garë edhe 7 kandidatë të pavarur në Kurbin, Klos, Berat, Devoll e Sarandë. Fredi Bejleri kandidon nën emrin Dhionisios Beleri. Ai është një emër jo i panjohur për jugun e Shqipërisë nga radhët e minoritetit grek. Kryetari aktual i bashkisë Finiq nga partia MEGA , Leonidha Hristo do të kandidojë si i pavarur.
Top Channel
