Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Vetëm 1 pikë i duhet Juventusit për të shkruar një tjetër faqe në librin e artë të rekordeve të Serie A, duke fituar titullin e 8-të kampion radhazi.
Bardhezinjtë nëse nuk humbasin sot në sfidën e orës 15:00 në transfertën ndaj Spal do të jenë zyrtarisht kampion të Italisë edhe për këtë sezon. Vëmendja e Juves është e gjitha te sfida e së martës ndaj Ajaxit në Champions League, prandaj trajneri Massimiliano Allegri sot pritet të kryejë një rotacion masiv në formacion.
Juventusi në këtë sezon synon të kalojë edhe kuotën 100 pikëve duke thyer rekordin që mbahet po nga piemontezët, gjithsesi Allegri është shprehur se është më mirë që të festojnë fundjavën e ardhshme kur të ketë përfunduar edhe çerekfinalja e kthimit ndaj Ajaxit, pikërisht në sfidën ndaj Fiorentinës. Gjithsesi edhe nëse Juvja humbet nëse Napoli nuk fiton të dielën ndaj Chievos, bardhezinjtë janë zyrtarisht kampionë për të 8-in vit radhazi.
Në orën 18:00 pas duelit Spal-Juve do të jetë rradha e Romës, që luan një ndeshje delikate ndaj Udineses në shtëpi ku vetëm fitorja i bën punë skuadrës së Ranierit.
Top Channel
