Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Xavi Hernández, i cili luan aktualisht për Al Sadd, mbroi ish-shokun e tij të skuadrës te Barcelona, Leo Messin, nga kritikat e fundit të Diego Armando Maradonës.
Legjenda e futbollit argjentinas tha para disa ditësh që njerëzit nuk mund të presin nga Messi që të bëhet udhëheqës i skuadrës, pasi është një tip që “shkon 20 herë në banjo përpara ndeshjeve”.
Por, Xavi Hernandez nuk është aspak dakord: “Messi është një udhëheqës i jashtëzakonshëm. Ndoshta është i heshtur, por është lider absolut. Gjithmonë e kërkon topin dhe ka personalitet. Kurrë nuk fshihet”.
Mesfushori spanjoll shtoi: “Nuk më pëlqen kur ish-futbollistët janë kaq kritikë. Nuk e kam fjalën vetëm për Maradonën, por në përgjithësi. Këto futbollistë-komentatorë duhet të jenë më të butë në gjykime pasi ata vetë e dinë vështirësinë e futbollit. Nuk e kuptoj si mund të jesh kritik kaq i ashpër me një futbollist kur vetë ke qenë i tillë”.
Top Channel
