Formula 1/ “Tërhiqem në fund të sezonit”, katër herë kampioni i botës merr vendimin final 28/07 13:46
Shtatë herë kampioni i botës në Formula 1, Michael Schumacher do të zhvendoset në Majorka. Lajmin e bën të ditur revista zvicerane “L’Illustre”.
Ky informacion u konfirmua nga kryetarja e Bashkisë së Andratx, një qytezë e vogël që ndodhet në jugperëndim të Majorkës, ku gruaja e ish-pilotit, Corina Schumacher, ka blerë një banesë luksoze të rrethuar nga një tokë e madhe, që i përkiste më parë Presidentit të Real Madrid, Florentino Pérez.
“Unë zyrtarisht mund të konfirmoj se Michael Schumacher do të vijë në qytetin tonë dhe këtu çdo gjë është gati për ta pritur”, tha kryetarja Katia Rouarch.
Familja Schumacher ka jetuar që nga viti 2002 në Vaud të Zvicrës. Sipas revistës, vila është blerë për 30 milionë euro. Ajo përbëhet nga një vendbanim kryesor prej 3000 metra katrorë që është e vendosur në mes të një sipërfaqeje prej 15 000 metra katrorë. Rreth shtëpisë janë kopshte të mëdha dhe dy pishina. Ka gjithashtu dy dhoma të veçanta që do të shërbejnë për stafin dhe mysafirët.
Michael Schumacher u aksidentua në alpet franceze në dhjetor të vitit 2013 dhe që nga ajo kohë nuk është rekuperuar nga dëmtimet e rënda që pësoi në kokë. Gruaja e tij dhe zëdhënësja e familjes, Sabine Kehm, kanë menaxhuar të gjitha informatat rreth tij dhe nuk kanë thënë asgjë mbi gjendjen e ish-pilotit gjerman. Askush përtej familjes së tij dhe rrethit të brendshëm nuk e di se çfarë po ndodh me Schumacher.
Top Channel
