Kush e përcakton se cili kandidat do të fitojë Shtëpinë e Bardhë? Fjalën e fundit e ka Kolegji Zgjedhor, si funksionon 04/11 22:57
E çuditshme, por e vërtetë! Një gjykatë në Rumani ka vendosur të refuzojë pretendimin e një burri në moshë se është ende gjallë, pak pasi ai u regjistrua zyrtarisht si i vdekur.
Zëdhënësja e gjykatës u shpreh këtë të premte se, 63-vjeçari Constantin Reliu humbi në çështjen e tij gjyqësore në qytetin verilindor të Vasuluit, sepse apeloi me vonesë vendimin. Madje, vendimi është i formës së prerë!
Media vendase raportoi se Reliu shkoi në Turqi në vitin 1992 për të punuar dhe më tej humbi kontaktet me familjen e tij në Rumani.
E duke mos marrë asnjë lajm nga bashkëshorti i saj, e shoqja arriti të siguronte certifikatën e vdekjes së tij në vitin 2016.
Autoritetet turke e gjetën Reliun gjatë këtij viti, me dokumente të skaduara, e për pasojë e deportuan nga vendi. Kur ai mbërriti në Rumani, ai zbuloi se ishte shpallur i vdekur.
Ai citohet të ketë thënë se “zyrtarisht jam i vdekur, edhe pse jam ende në jetë”. “Nuk kam asnjë të ardhur, sepse jam regjistruar si i vdekur e tani nuk mund të bëj asgjë”, është shprehur më tej ai.
Top Channel
