Me qetësinë që të jep rezultati 0-3 i ndeshjes së parë në Qipro ndaj APOEL, trajneri i Real Madrid, Jose Mourinho, po mendon që tani për gjysmëfinalen ndaj Bayern Munchen në Ligën e Kampioneve.
“Sot nuk do të shoh ndeshjen Barcelona-Milan, por ndeshjen e Bayern sepse gjermanët janë rivalët tanë në gjysmëfinale. Ajo është ndeshja që mua më intereson dhe jo takimi në Camp Nou. Barça-Milan është një supersfidë, mbase ndeshja më interesante në këto çerekfinale, por nuk do e shoh sepse për Real Madrid ai takim nuk ka vlerë”, theksoi Special One në konferencën e shtypit para sfidës ndaj modestëve të APOEL në Spanjë.
“Është shumë e vështirë që APOEL të fitojë në Bernabeu 0-4, por futbolli ka të papritura dhe ne duhet të respektojmë kundërshtarin dhe tifozët në stadium duke bërë një ndeshje serioze”, shtoi Mourinho.
Mou: Armiqtë më japin kurajo
Jose Mourinho në një intervistë për “Corriere” në Itali ka komentuar gjithçka, që nga situata tek Real i Madridit, Inter e deri tek “armiqtë” e shumtë.
Pasi komentoi sezonin me Realin e Madridit, një sezon shumë i mirë sipas tij, të paktën deri më tani, kur janë në vendin e parë në La Liga dhe thuajse të kualifikuar për në gjysmëfinalet e Ligës së Kampioneve, trajneri spanjoll foli për kritikat e adresuara kundër tij, për “armiqtë” e shumtë që ka krijuar, të cilët ai tha se duheshin.
“Të kesh armiq besoj se është më mirë. Nuk mendoj se është e domosdoshme, por është më mirë. Unë preferoj të kem armiq, është një stimul për mua, për skuadrën për të rimarrë veten në momente të vështira. Megjithatë të kuptohemi, kur them armiq, flas vetëm për armiq në futboll, jashtë tij, të gjithë janë miq me mua”, tha Mou.
I ftuar të komentojë deklaratën e tij, dhënë kohë më parë, kur tha se Interi është shtëpia e tij, dhe se herët a vonë do të kthehej një ditë atje, “Special One” tha: Është e vërtetë, e kam deklaruar. Interi është shtëpia ime, por për momentin kam edhe 2 vite të tjera në kontratë me Realin e Madridit.
Reali i Mourinho-s do të ndeshet ditën e mërkurë në orën 20:45 në Bernabeo me modestët qipriotë të APOEL-it, ku kualifikimi është një çështje e mbyllur, pasi spanjollët kanë fituar takimin e parë me rezultatin 3-0.
Top Channel
