Banorët e pallatit që u dogj këtë verë, në lagjen numër 6 të qytetit të Korcës janë hedhur në protestë.
Zjarri shkrumboi 4 apartamentet e ndodhura në katin e 3-të të këtij pallatit, dhe banorët janë strehuar për rreth 5 muaj në ambientet e konviktit të shkollës së mesme bujqësore.
Ata kanë apeluar për ndihmë, duke kërkuar mbajtjen e premtimit për rindërtimin e banesave të tyre. Sipas tyre në konviktin ku ata janë strehuar nga bashkia, është thuajse e pamundur jetesa.
Pas djegies së 4 apartamenteve dhe dëmtimit të pjesës tjetër të pallatit banorët përballen jo vetëm me papunësinë dhe kushtet e vështira ekonomike, por edhe me mungesën e strehimit gjë e cila e vështirëson së tepërmi jetesën e tyre.
Top Channel
