Janë jo të paktë personazhet e famshëm të cilët pasi arrijnë majat e suksesit në një fushë të artit, synojnë suksesin edhe në fusha të tjera.
Edhe Rihanna nuk i ka rezistuar dot këtij tundimi. Mësohet se këngëtarja është në negociata për të fituar një rol në një film të ardhshëm në stilin e James Bond. Mediat raportojnë se regjisori i cili i ka ofruar këtë rol këngëtares e mendon atë si një agjente sekrete perfekte.
Ky është një rol shumë i mirë dhe bëhet fjalë për një film me një buxhet të madh dhe mendohet se gjithçka në këtë film do të rrotullohet rreth Rihanna-s, e cila do të ketë edhe rolin e protagonistes kryesore. Do të duket sikur është një prej videove të saj aksion, por këtë herë fansave do t’ju duhet të qëndrojnë përpara ekranit për më shumë se 5 minuta sepse bëhet fjalë për një film me metrazh të gjatë.
Burime të cituara nga mediat botërore tregojnë se Rihanna po merr disa mësime aktrimi të cilat do e ndihmojnë atë për të qenë një aktore e denjë.
“Ajo po mendon për një rol që mund të jetë shpërthyes për të në kinematografi, sepse filmi është diçka që ajo ka dashur përherë të bëjë”, thekson një burim pranë këngëtares e cila po synon kinemanë.
Top Channel
