BBC do të sjellë në ekranet televizive britanike këtë fundjavë versionin modern të detektivit legjendar Sherlock Holmes.
Aktori Benedict Cumberbatch, i cili do të interpretojë personazhin e krijuar nga Sir Arthur Conan Doyle, ka deklaruar se ndihej shumë i emocionuar për këtë rol.
“Ndjej një gëzim të madh të shoqëruar me një shqetësim nervoz. Ju do të shikoni Holmes dhe do të bëni krahasimin e të vjetrit me të riun. Po unë cfarë po bëj? A dua të identifikohem me këtë personazh? Është e cuditshme të jesh aktor”, është shprehur Cumberbatch.
Sherloc Holmes do të jetë një serial që do të përbëhet nga tre seri 90 minutëshe, i përshtatur në kohën e sotme nga shkrimtarët Steven Moffat dhe Mark Gatiss.
Edhe këtu, detektivi do të shoqërohet nga ndihmësi i tij i pandashëm, Doctor Watson, i cili ashtu sikurse në libër, sapo është kthyer nga Afganistani.
Top Channel
