Peniani akuzon SHBA-të
28/06/2010 09:30
Gjermani: Gjendje emergjence nga vërshimet në Saarland 18/05 09:54
Koreja e Veriut akuzon Shtetet e Bashkuara të Amerikës se ka cuar armë të rënda në zonën e cmilitarizuar në kufi me Korenë e Jugut dhe kërcënon se do të marrë masa të ashpra ushtarake nëse nuk do të ketë tërheqje të menjëhershme.
“Transporti i armëve të rënda është një provokim dhe ka për qëllim të krijojë një konflikt të rëndë ushtarak”, thotë KCNA, agjencia zyrtare e regjimit të Penianit përmes një relacioni.
“Nëse kërkesa nuk përmbushet atëherë ushtria koreano-veriore do të ndërmarrë masa të ashpra ushtarake”, thekson më tej agjencia.
Paralajmërimi i Penianit është shpërndarë menjëherë pas një njoftimi në Ministrisë së Jashtme për qëllimin e përforcimit të arsenalit bërthamor në një mënyrë të re për të kontrastuar politikën e Shteteve të Bashkuara të Amerikës dhe kërcënimet ushtarake.
Top Channel
